ATTAC contra a ditadura dos mercados

 A orde ultraliberal fundaméntase en tres "liberdades" que, en cada país, se revelan liberticidas para a sociedade e para a maioría dos cidadáns: as "liberdades" de circulación de capitais, de investimento e de comercio. En resumo, fundaméntase na omnipotencia de "mercados" que lles ditan a súa lei a lexisladores e gobernos democraticamente eleitos. Este espolio lexitímase nunha manifestación ideolóxica, amplamente divulgada polos medios de comunicación, á que este libro pretende contestar.
Primeiramente, examinando de xeito detallado un sistema do que non é preciso ser ningún experto para comprender a engranaxe. A continuación, por medio de propostas alternativas en torno ás cais poden federarse loitas nacionais, europeas e internacionais.
Dos mecanismos da especulación aos paraísos fiscais, da posibilidade real de aplicación da Taxa Tobin á denuncia das emboscadas terminolóxicas do liberalismo, do papel do euro á reformulación do movemento sindical, da débeda do Terceiro Mundo ás depredacións dos fondos de pensións, das loitas victoriosas contra o AMI (Acordo Multilateral sobre o Investimento) até as loitas pendentes contra a OMC (Organización Mundial do Comercio), os profesores universitarios, investigadores e sindicalistas reunidos porAttac (Asociación para a Taxación das Transaccións financeiras para Axuda dos Cidadáns) fornecen, nesta obra, as ferramentas de reflexión e de acción para todos aqueles, inumerábeis, que teñen o convencemento de que é posíbel un mundo diferente.