Osmia de Teresa de Mello Breyner no sistema literário português (1788-1795)

 Raquel Bello Vázquez apresenta nestas páginas o primeiro resultado em forma de livro do projecto de investigaçom «Mulher e Ilustraçom em Portugal na segunda metade do século XVIII», desenvolvido no grupo de investigaçom GALABRA da Universidade de Santiago de Compostela.
  A autora ocupa-se neste trabalho de reconstruir o campo literário português dos finais do século XVIII e de esclarecer os mecanismos de funcionamento dos repertórios ilustrados em Portugal, quais som os grupos responsáveis pola sua introduçom, os sectores sociais que atinge e as lutas políticas e estéticas que origina.
  Para isto, som analisadas as lutas no campo no momento da publicaçom de Osmia e nos anos seguintes, prestando atençom, particularmente, ás diferentes propostas que se registam nesta altura em relaçom com o papel das mulheres na sociedade e as funçons do teatro como género literário, meio de comunicaçom e ferramenta para a difusom de elementos de repertório.
  Encontramos também neste volume a primeira investigaçom dedicada à Condessa de Vimieiro e a primeira ediçom, desde 1835, da sua obra mais conhecida.